Welcome to Read Indian Sex Stories - here you will find some of the best Indian sex stories and the hottest sex fantasies that will make you cum. Our readers regularly share their most erotic experiences with us and you can too by submitting yours. We hope you enjoy your visit and can keep satisfying you with the best sex stories.

Zara Sochiye!

Lamba safar karna muje hamesha se bura lagta hai. Us ki sab se bari waja ye hai ke lambe safar main muje buhut boriyat ho jati hai. Agar sath kuch ache dost na hon to fir ye safar azaab lagne lagta hai. Laiken aaj muje apna lamba safar bura nahi lag raha balke dil main ajeeb sa dar hai kyun ke jis jaga main jaa raha hon wahan pe kuch din pahle buhut badi tabahi aaye thi. Main apne bare main to batana he bhool gaya, mera naam hai Rajpaal Sharma, aik bade news channel ka reporter hoon. Waise to jyada tar kaam maine Delhi main he kya hai laiken kabhi kabhaar koi khaas ghatna ho jaye to fir dusre shahron main bhi jata rahta hon reporting ke lye. Aaj bhi aisi he aik gayon main ja ke muje reporting karni hai jahan kuch din pahle sailaab aaya tha. Wahan se ab tak jitni bhi thodi buhut reporting huwi us se etna to pata chal chuka tha ke wahan buhut badi tabahi aayi. Muje bhi mere channel ne es lye wahan bhaija take main halaat ka puri tarhan pata kar sakon ke logon ka kya nuksaan huwa aur logon ko kis kis kisam ki mushkilaat ka samna hai. Kisi bhi Media wale ke lye koi bhi buri khabar aik achi khabar hoti hai, laiken aisi khabrain to hum media walon ko bhi hila ke rakh daiti hain. Mera bhi dil main kuch aisa he khauf tha aaj kuch he dair main hum aik aise he gayon phunchne wale the jahan sailaab apni tabahi macha ke ja chuka tha.


***************************************


Kal raat se ab tak sailaab ki tabahi ki kayi dastanain hum apni ankhon se daikh chuke the. Gayon phunchne ke baad hum etne thak gaye the ke raat ko hum ne koi reporting nahi ki laiken aaj subha se hi ham tabahi ki dastaan apni ankhon se daikh bhi rahe the aur camera main uski film bhi bana rahe the. Har taraf aik ajeeb si qayamat thi, kisi ka ghar bah chuka tha, kisi ka ghar bacha bhi tha to sab kuch tabah ho chuka tha. Har koi apni kahani suna raha tha ke us pe kya qayamat guzri hai. Laiken es doran aik baat jis ne muje sab se zyada hairaan kya tha woh ye thi ke aisa gayon jahan abhi media bhi puri tarhan nahi phuncha tha wahan kuch ameer log phunche huwe the logon ki madad karne, woh un main khane peenay ki cheezain bantane ke ilawa aur bhi kayi tarhan se unki madad kar rahe the aur ye mere lye sab se badi khushi ki baat thi ke kuch logon ko sirf media pe dikhane ke lye nahi balke sach main logon ki madad karne ki icha hoti hai. Aise he logon se milte huwe meri mulaqat Kaanchi se huwe. Kaanchi ka sara khandan sailaab main bah chuka tha aur khush kismati se woh bach gayi thi laiken uske lye kya bacha tha es duniya main ye main nahi janta tha. Baki logon ki tarhan woh kuch zyada baat nahi kar rahi thi, shayad woh bhi meri tarhan ye faisla nahi kar paa rahi thi ke use apne zinda bach jane pe khush hona chahye ya udaas.Agar such main daikha jaye to uski halat kuch aisi thi jaise kisi ne uske haath kaat kar use pani main faink dya ho tairne ke lye.

Aglay 2,3 din tak main apni camera team ke sath usi gayon main raha. Etna khoofnak hadsa hone ke bawajood log himmat nahi hare the ya shayad isi ka naam zindagi tha ke jo bhi ho jaye zindagi ne to chalte he jana ha. Kaanchi ke sath bhi uske bad kafi dafa mulaqat huwi meri aur kuch khaas tha us ladki main jo apni taraf khainchta tha. Use abhi tak samajh nahi aa rahi thi ke us ne agay zindagi main kya karna hai laiken etna zaroor tha ke ab woh pahle ki tarhan na-umeed bhi nahi lag rahi thi. Muje ab wapas apne office jana tha laiken jane se pahle main Kaanchi se mila aur dil main ye ehad lay kar wahan se nikla ke main zaroor apne channel pe Kaanchi aur us jaisi sari ladkiyon ke masle logon ke samne lay ke aayon ga take har koi jaan sake ke sailaab anay ke baad jo log zinda bach jate hain unke lye zindagi kitni mushkil ho jati hai.

***************************************

"Tumhain yaad hai 2 saal pahle hum aik gayon main gaye the jahan sailaab aaya tha?"... Mere camera man Arjun ne mujse poocha

"Haan kaise bhool sakta hon, us report ke baad hi to humari taraqi huwe thi"

"Phir to tuje woh ladki bhi yaad hogi, jis ko wapas anay ke kayi mahinon tak tum yaad karte the?"

"Bilkul us main kuch khaas baat thi, main to aaj tak use nahi bhool saka. Main to wapas bhi us se milna jana chahta tha laiken nayi milne wali zimaydariyon ne kuch aisa uljha dya ke jaa nahi saka"

"Laiken aaj tumhain achanak ye sab kyun yaad aa raha hai?"... Maine ab ki baar hairan ho kar us se sawal kya

"Aaj Delhi police ne aik hotel main raid ki thi aur us raid main Kaanchi bhi pakdi gayi hai"... Arjun ne jaise dhamaka kya

"Kya bakwaas kar rahe ho? Kaanchi aur Delhi main? Aur kis lye pakda use?"... Muje samajh nahi aa rahi thi ke main Kaanchi ke Delhi main hone pe hairangi ka izhaar karon ya uske pakde jane pe

"Police ko kafi samay se aik aise gang ki talash thi jo bade bade logon ko ladkiyan supply karta hai aaj usi gang ki aik party pe police ne chapa maara aur us main Kaanchi bhi thi"

"Tumhain ye sab kaise maloom huwa?"

"Main aaj kisi kaam ke silsale main police station gaya tha wahin maine Kaanchi ko dekha, uske baad maine inspector se sari baat poochi to usi ke zubani ye sab jankari haasil ki hai"

"Kon se police station? Address batayo"... Maine khaab ki halat main Arjun se poocha

***************************************


Main kafi dair se police station ke us kamre main betha tha jahan muje Kaanchi se milna tha. Kafi din ki mehnat ke baad aaj us se milne ki ijazat mili thi. Magar ab muje samajh nahi aa rahi thi ke main us se kya baat karon ga. Thodi dair baad Kaanchi kamre main dakhil huwe. Woh us Kaanchi se bilkul badli huwe thi jise maine 2 saal pahle dekha tha. Uski masoomiyat kahin gum ho chuki thi, uske chahre pe kisi buhut he bade dukh ke bhaav the.

"Kaanchi muje samajh nahi aa rahi main kya baat karon. Tum yahan Delhi main kaise aur kab se?"... Thodi dair chup rahne ke baad akhir maine sawal kar he dya

"Aap ke sath jo ladka humare gayon aaya tha use maine us din police station main dekha tha. Magar us samay un se baat karna sambhav na tha aur na he mere paas apka koi number tha ke aap ko bula sakti laiken dil main kahin umeed thi ke aap zaroor aayo ge"

"Tum fiker na karo, main aa gaya hon, maine inspector se bhi baat ki hai. Main aik ache vakeel ka bandobast karon ga, tumhain es qaid se azadi dila ke rahon ga"

"Muje ab kisi vakeel ki zaroorat nahi. Main to aap se kisi aur wajah se milna chahti thi"

"Kon se wajah?"... Maine hairangi se poocha

"Muje aap ko kuch batana hai aur main chahti hon ke aap woh sab kuch duniya ko batayen"

"Haan batayo main sun raha hon"... Na jane kyun muje laga jaise woh koi buhut bada raaz hai jo muje batana chahti hai. Mane apna mobile nikaal ke usko recording pe laga dya. Meri journalist sense muje kah rahi thi ke shayad koi buhut badi khabar hai jo muje pata lagne wali hai

"Aap ke gayon se jane ke 1 hafta baad aik buhut he ameer insan humare gayon main aaye aur unho ne ailaan kya ke woh log jin ka khandaan es sailaab main bah gaya hai aur woh akelay rah gaye hain woh unko apne sath shaher lay ke jayen ge unki har tarhan se madad ki jaye gi. Mere sath 3,4 ladkiyan aur 4,5 ladkay the jo unke sath shaher aa gaye. Humare lye to waise he duniya khatam ho chuki thi gayon main apne parivaar ke beghair zindagi guzarna jab ke wahan sab kuch tabah ho chuka tha waise bhi sambhav na tha. Humare lye to woh insaan kisi devta se kam nahi tha. Shaher aa ker kuch din humain buhut shandaar tarike se rakha gaya. Laiken mere sath anay wali baki ke ladkay aur ladkiyon ko alag alag kar dya gaya. Muje es baat pe kafi hairangi huwi laiken kuch din baad he main ye baat bhool gayi kyun ki muje wahan pe bahtareen khane peenay ke sath taleem bhi di ja rahi thi. 6 mahine maine jaise kisi khaab main jee rahi thi. Laiken khaab kitna bhi lamba kyun na ho use aik na aik din to tootna he hota hai. Laiken mera khaab etni bhayanak haqeeqat ka roop dhare ga ye maine kabhi nahi socha tha"... Kaanchi thodi dair ke lye chup huwe aur main gum sum uski kahani sun raha tha

"6 mahine ke baad muje pata laga ke akhir mujh pe etna paisa kyun lagaya gaya. Muje aik naya janam dya jaa raha tha, aik nayi khaal mere pe chadhayi ja rahi thi take baad main us khaal ko mazay lay lay kar hawas ke pujari noch sakan. Pahle to muje yaqeen he nahi aaya ke muj se kya karne ka kaha ja raha hai. Maine buhut koshish ki ke main us gandagi ki daldal main na giron laiken agar kisi 7 foot ke janwar ko bhi 3 foot ke pinjre main qaid kar dya jaye to woh bhi kubda ban he jata hai aur muje bhi ab aise qaid khane main daal dya gaya tha jis se main chahe jitni nafrat karon laiken ab muje uske ander rahna tha. Muje nasha de kar kab meri nangi tasveerain aur videos banayen gayen muje pata he nahi tha. Aur agar ye sab na bhi kya jata tab bhi main kya kar sakti thi? Mera jism ab us ayashi ka aadi ban chuka tha. Acha khana, ache kapde, gadiyon main ghoomna, naram bister pe sona. Kon se ayashi thi jis ke adat muje un 6 mahine main nahi lag chuki thi. Ab us sab ko chodna sambhav nahi tha"... Kaanchi phir se kuch pal ke lye khamosh huwe

"Maine aksar suna hai ke jab aurat ko apni izzat bachani ho to woh kuch bhi kar jati hai, apne aap ko maar bhi deti hai. Laiken kahaniyon main suni huwe en baton ka haqeeqat se shayad koi sambhand nahi hai ya phir main he buhut kamzor thi jis ko us nasheeli zindagi ki adat pad chuki thi aur us se bahar aana mere lye mumkin na tha. Magar insaan jab tak pyasa rahe tab tak to phir bhi kisi na kisi tarhan zinda rah raha hota hai chahe jitna bhi tadap raha ho laiken agar use pani de dya jaye aur uski adhi pyaas bhujne ke baad he us se pani khainch lya jaye to woh pahle se bhi zyada tadapna shuru ho jata hai. Uske baad woh apni pyaas bhujane ke lye kuch bhi karne ko tyaar ho jata hai aur mera haal bhi kuch aisa he tha. Pichle 1 saal se main apne jism ke sath logon ko khailte daikh rahe hon aur uske badlay muje woh sab ayashiyan mil rahe hain jis ki muje adat lag chuki hai. Meri zindagi gol gol ghoom rahi hai pichle 1 saal se, haar raat ghoom kar main us jaga phunch jati hon jahan main 2 saal pahle thi aur har raat aik naye mard ko apne jism ke sath khailta daikhne ke baad subha ko muje hosh aata hai ke main aik nayi duniya main hon jahan pe ab muje hamesha rahna hai.
page 1 of 2
share this story :